ကြယ်တစ်လုံး၏ချစ်ခြင်း

ကြယ် .. တလက်လက်နဲ့ တောက်ပနေသော ကျွန်မရဲ့ကြယ်ကလေး .. အို .. မဟုတ်သေးဘူး ကျွန်မမက်မောတမ်းတခဲ့တဲ့ကြယ်ကလေးတစ်လုံး .. နေ့ ခင်းချိန်မှာတောင် နေမင်းနဲ့ အတူ အပြိုင်တောက်ပနေတဲ့ ကျွန်မ ဘယ်တော့မှ ပိုင်ဆိုင်ဖို့ မဖြစ်နိုင်တဲ့ ကြယ်ကလေး … ။

xxxxxxxxxxxxxxx           xxxxxxxxxxxxxx        xxxxxxxxxxxxx

အိမ်တံခါးဖွင့်ဖွင့်ချင်း မြင်လိုက်ရသော မြင်ကွင်းကြောင့် ကျွန်မမှင်သက်သွားသည်။ အိမ်နဲ့ ကျောင်း .. ကျောင်းနဲ့ အလုပ် .. အလုပ်နဲ့ အိမ် လုံးချပတ်နေသော ကျွန်မအတွက် ဘေးဘီအိမ်များကို ဂရုမစုိုက်မိတာကြာလှပြီ။ သို့ သော် ဒီနေ့ တော့ တိုက်တိုက်ဆိုင်ဆိုင် ကျွန်မ့ဘက်မှအိမ်တံခါးဖွင့်သည့်အချိန်နှင့် ဘေးအိမ်မှ အိမ်ထဲဝင်ရန်ပြင်နေသည့်အချိန် ထိပ်တိုက်တိုးမိသည်။ ခဏတာလေး အချိန်အတွင်းမှာပင် ကျွန်မရင်ခွင်တစ်ခုလုံး ဗြောင်းဆန်သွားခဲ့သည်။ သူဘယ်လိုလုပ်ပြီး .. ဒီကို ကိုယ့်ကိုယ်ကို မယုံကြည်နိုင်အောင် ကျွန်မဖြစ်ခဲ့သည်။ သူ့ ဘက်ကတော့ တစ်ချက်သာ လှမ်းကြည့်ပြီး အခန်းလေးထဲဝင်သွားတော့ ကျွန်မတစ်ယောက်သာ အပေါက်ဝတွင် ငူတူတူနှင့်ကျန်ရစ်တော့သည်။

တစ်နေ့ လုံး ကျောင်းမှာရော .. အလုပ်မှာရော စိတ်မပါချေ။ ဒီနေ့ ကျမှ အိမ်ကို ထူးထူးဆန်းဆန်း မြန်မြန်ပြန်ရောက်ချင်လှပြီဖြစ်သည်။ ကျောင်းဆင်းသည်နှင့် အလုပ်ကို ဖုန်းဆက်ပြီး သူငယ်ချင်းတစ်ယောက်ကို အစားဝင်ခိုင်းကာ အိမ်သို့  ခပ်သုတ်သုတ်ပြန်ပြေးလာခဲ့သည်။ လမ်းတွင်လည်း သူနဲ့ နောက်တစ်ကြိမ်ထပ်ဆုံရန် အကြိမ်ကြိမ်ဆုတောင်းခဲ့သည်။ ကျွန်မ ကံဇာတာပဲကောင်းလာလို့ လားမသိ . .ဆုတောင်းသည့်အတိုင်းသူနှင့် ထပ်ဆုံခဲ့သည်။ သို့ သော်  မနက်တုန်းကလောက် ကျွန်မနှုတ်ခမ်းတွင် အပြုံးများတွဲခိုမနေ။ ဂစ်တာအိတ်လေး လွယ်ကာ တံခါးအပေါက်ဝတွင် သူရပ်ကာနေသည်။ နောက် မရှေးမနှောင်း သူ့ ထက်အနည်းငယ် ငယ်သယောင်ရှိသည့် မိန်းကလေးတစ်ယောက်လည်း ဂစ်တာအိတ်ကလေးလွယ်ကာ ထွက်လာသည်။ သူ ထွက်လာသော မိန်းကလေးရဲ့ ပခုံးကို အသာဆုပ်ကိုင်ကာ ကျွန်မဘေးမှ ဖြတ်လျှောက်သွားတော့ ကျွန်မ မျက်လုံးများထဲတွင် မျက်ရည်များပင်ဝေ့တက်လာခဲ့သည်။ နောက်အသာပြုံးကာ အိတ်ထဲမှ သော့လှမ်းယူပြီး အိမ်တံခါးလေးဖွင့်လိုက်သည်။

ဝက်သားလုံးဟင်းနှင့် သယ်ချင်း ^^

“ဟေ့ .. ဒီနေ့  ဘာဟင်းချက် .. ”

“ခေါက်ဆွဲ ပြုတ် ... ” ကျွန်မ ရယ်ကာပြောတော့ ချစ်သယ်ချင်းက

“တစ်နေ့ တစ်နေ့  ခေါက်ဆွဲပြုတ်ချည်းပဲ .. နင်ပြောတော့ ဟင်းချက်တတ်တယ်ဆို .. ”

“အင်းလေ .. ချက်တတ်တယ်လေ .. ”

“ဒါဆို ဘာလို့  ချက်မစားတာလဲ ..  ” စားလက်စ ခေါက်ဆွဲပန်းကန်ကိုချပြီး 

“ဘာလဲ .. ဟင်းချက်တတ်ရင် ခေါက်ဆွဲပြုတ်မစားရဘူးလား .. စားရင် တရားစွဲလို့ လား .. ” ပေကပ်ကပ်ပြောတော့မှ အမိက ခေါင်းဘယ်ပြန်ညာပြန် ထပ်တလဲလဲခါကာ အသံတိတ်သွားတော့သည်။ 

ရင်ခွဲသူ

စကားလုံးတွေထဲမှာ 

ဓားသွားများထည့်ထားသလား မောင်ရယ် .. 

မာနကိုရိုက်ချိုး မျက်ရည်တွေကိုမှ လောင်းချိုးချင်တယ်တဲ့လား ..

ဝင်သက်ထွက်သက်လေးကိုတောင်မှ မငဲ့ညှာ

ပေးခဲ့တဲ့ ဒဏ်ရာတွေက ရင်ဝမှာ ဆို့ စေတယ် .. 

တူညီတဲ့ခေါင်းစဉ်အောက်

ထားခဲ့သူနဲ့  ထားခံရသူ 

ဘယ်ဘက်အခြမ်းမှာ နေချင်သလဲတော့ မမေးပါနဲ့  ..

ညင်သာစွာ ကွဲအက်လာတဲ့အသည်းကို

မြင်သာအောင် မပြတတ်လို့ 

ရင်နာအောင် တည်ရှိမဲ့အလွမ်းကိုပဲ

ကြင်နာစွာ ဆုပ်ကိုင်ခွင့်ပြုပါ .. ။

April

03.10.2011 (05:14 PM) Mon

မှတ်မိသေးလား

မှတ်မိသေးလား 

စကားလုံးတွေနဲ့  ခလုပ်တိုက်ခဲ့ကြတဲ့ 

တို့ နှစ်ယောက်

မှတ်မိသေးလား

လေလှိုင်းပေါ်မှာ လွင့်မျောခဲ့တဲ့

ရင်ခုန်သံ သံစဉ်အချို့

မှတ်မိသေးလား

ဘယ်တော့မှ .. ကတိစကားတွေနဲ့ 

ချိတ်ခဲ့ဘူးတဲ့ လက်သန်းကလေး

မှတ်မိသေးလား

လက်ဖဝါးချင်းအပ်လို့  လှမ်းခဲ့ဘူးတဲ့

ပန်းခင်းလေး

မှတ်မိသေးလား

အနမ်းတွေ ဝေခဲ့ဘူးတဲ့

ခုံတန်းလျားလေး

မှတ်မိသေးလား

လမ်းခွဲမှာ မျက်နှာချင်းဆိုင်ခဲ့တဲ့

ကျောပြင်နှစ်ခု

မှတ်မိသေးလား

တစ်ချိန်က တို့ နှစ်ယောက်

ချစ်ခဲ့ဘူးတယ်ဆိုတာ

မှတ် .. မိ .. သေး .. လား ... ။

April

02.10.2011 (03:03 PM) Sun