မျှော်လင့်ချက်မြို့ငယ်လေး

အိမ်ခြေ နှစ်ရာကျော်လောက်နှင့်ဖွဲ့ စည်းထားသော ဆည်းလဲမြို့လေးသည် ကျွန်မ၏ ချက်ကြွေရာမြေဖြစ်သည်။ တောင်နီနီများဖြင့်ပတ်လည်ဝန်းရံထားသောကြောင့် တောင်နီမြို့ ဟူ၍လည်း ခေါ်ဆိုကြသည်။ ဘေးပတ်လည် တောင်နီများကြောင့် သွားလာရေးမှာ ခက်ခဲလှသည်။ ညောင်ဦးထိ အဝေးပြေးကားများရောက်သော်လည်း ထိုမှတဆင့် ဆည်းလဲမြို့ သို့ သွားရန် ဂျစ်ကားများစောင့်ရသည်။ လမ်းများမှာလည်း ကတ္တရာလမ်းများမဟုတ် မြေနီလမ်းများဖြစ်သောကြောင့် အဖု အထစ် ချိုင့် များပြည့်နှက်နေတတ်သည်။ မြို့ ထဲရှိရပ်ကြီးသူမများကတော့ တစ်ခါတစ်လေ အပြောင်အပြက်သဘောဖြင့် “အခုခတ်များအေ .. သူများတွေ အေရိုးဗစ်ဆိုလား ဘာလား .. ကျုပ်တို့ ဆီမှာ လိုပါဘူး … မြို့ ကိုသာ ကားလေးနဲ့ တစ်ပတ်ပတ်လိုက် .. ဗိုက်ခေါက်ဆိုတာ ဘယ်နားကျကျန်ခဲ့မှန်းတောင်သိမှာမဟုတ်ပါဘူးတော်ရေ .. ” ဆိုပြီး လမ်းဘယ်လောက်ဖြောင့်ဖြူးကြောင်း ခနကာပြောတတ်ကြလေသည်။

ကွမ်းခြံ၊ ဘူးခင်း၊ ချဉ်ပေါင်ခင်း စသည့် အသီးအနှံများစိုက်ပျိုးရာမြို့ လေးဖြစ်၍ သုံးရာသီပတ်လုံး အသီးအနှံများမှာ မရှားလှချေ။ ကျွန်မတို့ မြို့ လေး၏ အလယ်ခေါင်တွင်တော့ အထက်တန်းကျောင်းလေးတည်ရှိသည်။ အရင်တုန်းက အလယ်တန်းထိသာ ရှိပေမဲ့ မြို့ ကြီးများဖြစ်သော မန္တလေး .. ပုဂံသို့ ကျောင်းသွားတက်နိုင်သည့် ကျောင်းသားဦးရေနည်းပါးလှသောကြောင့် ကိုယ့်မြို့ ကိုယ့်ရွာမှာပင် ကျောင်းသားအများစုတတ်နိုင်ကြရန် မြို့ လေးမှ ဝိုင်းဝန်းစီစဉ်ပေးရင်း ယခုအချိန်တွင် အထက်တန်းကျောင်းလေးအဖြစ်ပေါ်ပေါက်လာခြင်းဖြစ်သည်။ သို့ သော် ကျောင်းသားဦးရေမှာ နည်းပါးလှသည်။

မိရိုးဖလာ လက်ဆင့်ကမ်းကာ စိုက်ပျိုးရေးလုပ်ဆောင်သောကြောင့် အသက် ဆယ့်လေး ဆယ့်ငါးဆိုလျှင် ပင် ကျောင်းမှထွက်ကာ မိဘလုပ်ငန်းတွင် ဝင်ရောက်လုပ်ကိုင်သူကများပြားလှသည်။ မိဘများကိုယ်တိုင်ကလည်း တစ်နိုင်ဝန် လုပ်ငန်းများလုပ်ဆောင်သောကြောင့် ပိုက်ဆံမှာလည်း ဖောဖောသီသီမသုံးနိုင်ကြပေ။ ထို့ ကြောင့် ရှစ်တန်း ကိုးတန်းလောက်နှင့် ကလေးများအား ကျောင်းထုတ်သည်ကများလှသည်။ သို့ သော် တစ်ချို့ ကျောင်းစာဘက်တွင် တော်သူများအတွက်ကတော့ မိဘများမှာ မိမိစိုက်ခင်းများ ခြံများ ပေါင်ကာ ကလေးများ၏ပညာရေးတွင် မြှုပ်နှံကြသည်။ ထိုသို့ သော် သူများမှာ ကျွန်မတို့ မြို့ လေးတွင် ရှားလှပါသည်။ သို့ သော်မရှိဘူးမဟုတ် .. ရှိပါသည်။

ဒီနှစ်ကျွန်မ ဆယ်တန်းရောက်ပြီဖြစ်သည်။ အတန်းထဲတွင် ကျွန်မအပါအဝင် အတန်းသားအားလုံးစုစုပေါင်းမှ ၁၁ ယောက်သာရှိသည်။ နှစ်ဝက်လောက်ချိန်တွင်တော့ ငါးယောက်သာကျန်တော့သည်။ ထိုကျန်သော ငါးယောက်ဖြင့်သာ ဆရာမမှာ ကျွန်မတို့ ကို တာဝန်မပြတ်သင်ကြားပေးသည်။ အတန်းထဲတွင် ကျောင်းသားနည်းသွားသောကြောင့် ဆရာမသည် ကျွန်မတို့ တစ်ယောက်ချင်းစီအတွက် အချိန်များပိုပေးနိုင်သည်။ မကြာခဏ revision revision လုပ်တတ်သောကြောင့် ကျောင်းမသွားချင်သည့်ရက်များတောင် ရှိသေးသည်။ သို့ သော် ကျောင်းမသွားတတ်လျှင် အိမ်အထိအရောက်သတင်းလာမေးတတ်သော ဆရာမကြောင့် ကျောင်းမသွားချင်လည်း သွားရတတ်သည်။ စာမေးပွဲနီးသောရက်များတွင်လည်း ဆရာမက သူ့ အိမ်သို့  ကျောင်းသားများအားလုံးခေါ်ကာ စာမေးပွဲအတွက် နေ့ ညမအား ပြင်ဆင်ပေးတတ်သည်။ ဖြေရမည့် ကျွန်မတို့ ထက် ပို၍အလုပ်များကာ စိတ်လှုပ်ရှားနေသော ဆရာမကိုကြည့်ပြီး တစ်ခါတစ်လေ အနောက်ကွယ်တွင် စုကာ ကျွန်မတို့  အတင်းတုတ်တတ်ကြသေးသည်။ သို့ သော် ဆရာမရဲ့ ကျေးဇူးကြောင့် ဆယ်တန်းစာမေးပွဲကြီးတွင် ကျွန်မတို့  ငါးယောက်လုံး ချောမောစွာဖြေဆိုနိုင်ခဲ့ကြသည်။

ထိုနေ့ က အဖြစ်အပျက်ကလေးကို အခုချိန်ထိ ကျွန်မ မမေ့သေးပေ။ အောင်စာရင်း မနက်ဖြန်ထွက်မည် ဆိုသည့်အသိဖြင့် ကျွန်မတုို့ အားလုံး ရင်ခုန်လို့ နေသည်။ မနက်ဖြန် မနက်အစောကြီးဆရာမမှ ဦးဆောင်ကာ ကျွန်မတုို့  ခြောက်ယောက် မန္တလေးသို့  အောင်စာရင်းသွားကြည့်ကြမည်ဖြစ်သည်။ ဆရာမကတော့ ကျွန်မတို့ ကို စိတ်အေးအေးထားရန် အကုန်လုံးအောင်ကြမှာပါဆိုပြီး အားပေးသည်။ မနက်လေးနာရီလောက် ကျွန်မတို့  အိမ်မှထွက်လာခဲ့ကြသည်။ မန္တလေးသို့ ကားဖြင့်သွားပါက အနည်းဆုံး သုံးနာရီကျော်လောက် မောင်းရသည်။ လေးနာရီလောက်ထွက်မှာ ဟိုက ခုနှစ်နာရီလောက်ရောက်မည်ဖြစ်သည်။ ကျွန်မတို့ ရောက်တော့ ကျောင်းရှေ့တွင်လူများ ကျိတ်ကျိတ်တိုးနေသည်မှာ တိုးလို့ ပင်မဝင်နိုင်လောက်အောင်ပင်ဖြစ်သည်။ ဆရာမက ကျွန်မတို့  ငါးယောက်က လက်တွဲမဖြုတ်ရန်ပြောပြီး ရှေ့မှ အတင်းတွန်းကာ တစ်ယောက်ချင်းစီ အောင်စာရင်းကပ်ထားရာ ကျောက်သင်ပုန်းဆီသုို့ ပို့ ပေးသည်။ နောက် လက်များတောင်တဆတ်ဆတ်တုန်ကာ စာရွက်တွင် ခုံနံပါတ်လေးကိုရှာမိသည်။ နောက် ကျွန်မတို့ တစ်ယောက်ချင်းဆီမှ “အောင်တယ် .. အောင်တယ် .. ငါအောင်တယ် .. ဂုဏ်ထူး ၂ လုံးတောင်ပါတယ်” ဆိုသည့်အသံများ ပေါ်ထွက်လာသည်။ ဆရာမဆိုလျှင် ကျွန်မတို့  ငါးယောက်လုံးကိုဖက်ကာ “တော်တယ်ကွာ .. ဆရာမ တပည့်တွေက” ဆိုပြီး မျက်ရည်များကျလာသည်။ ဆရာမငိုတော့ ကျွန်မတို့ လည်း အလိုလိုနေရင်း မျက်ရည်များကျလာသည်။ ဆရာမကတော့ ကျွန်မတို့ မျက်ရည်များသုတ်ပေးကာ “ဖုန်းဆိုင်သွားကြရအောင် အိမ်ကလူကြီးတွေလည်း စောင့်နေကြရောပေါ့” ဆိုပြီး လူအုပ်ထဲမှ ထွက်လာခဲ့ကြသည်။

မြို့ လေးသို့ ပြန်ရောက်တော့ အကုန်လုံးက ကျွန်မတို့ ကို ဝမ်းပန်းတသနှင့် ဝုိုင်းပြီးကြိုဆိုကြသည်။ ဆရာမမျက်နှာတွင်လည်း အပြုံးပန်းများက ဝေဆာလို့ နေသည်။ ဆရာမကို မိဘများက ကျေးဇူးတင်ကြောင်းပြောပေမဲ့ ဆရာမကတော့ ကျွန်မတို့ ကိုကြည့်ကာ “ကျွန်မဘက်က ဘာမှသိပ်လုပ်မပေးရဘူး .. ကလေးတွေကုိုယ်တိုင်က တော်ကြတာပါ” .. ပြောနေသော ဆရာမကိုကြည့်ပြီး ကျောင်းတုန်းက ဆိုးခဲ့တာတွေ ကွယ်ရာတွင် ဆရာမအတင်းပြောခဲ့တာတွေ စဉ်းစားမိပြီး မျက်နှာတောင်ပူလာမိသည်။ ဆရာမက ကျွန်မ ခေါင်းကို အသာပုတ်ကာ “နောက်ဆို ဒီဆရာမက အတင်းအိမ်ခေါ်ပြီး … စာမကျက်ခိုင်းတော့ဘူးနော် .. နောက်ပြီး ကျောင်းပြေးရင်လည်း အိမ်ထိလာမခေါ်တော့ဘူး ” ဆိုပြီး တိုးတိုးလေးပြောတော့ ကျွန်မခေါင်းငုံ့ ကာ “ဆရာမ .. သမီးတို့ ပြောတာတွေ သိတယ်ပေါ့”  ဆရာမရယ်ကာ “ ဆရာမလည်း .. ငယ်ရာကကြီးလာတာပါ” ပြောပြီး ကျွန်မကို သိုင်းဖက်ကာ “တက္ကသိုလ်မှာ စာတွေအများကြီးသွားသင် .. ပညာတတ်ကြီးဖြစ်သွားရင် ဆရာမတို့ ကို မမေ့ရဘူးနော် ” ရယ်မောကာပြောသော ဆရာမကိုကြည့်ပြီး ကျွန်မခေါင်းငြိမ့်လိုက်သည်။

တစ်နှစ်ပြီးတစ်နှစ် .. ကုန်လွန်သွားခဲ့သည်မှာ အခုချိန်ဆိုလျှင် ကျွန်မ့ အသက်နှစ်ဆယ့် ငါးထဲရောက်လာပြီဖြစ်သည်။ ရန်ကုန်မြို့ ရှိ နာမည်အကြီးဆုံး အထက်တန်းကျောင်းတွင် ဆရာမအဖြစ် အပ်နှံခြင်းခံရပေမဲ့ မန္တလေးတိုင်းအတွင်းရှိ  မထင်မရှား မြို့လေးတစ်မြို့ ဖြစ်သည့် ဆည်းလဲ မြို့ လေးသို့ ပြောင်းရွေ့ ရန် စာတင်ခဲ့သည်။ လက်ထဲတွင် စာအိတ်ရှည်လေးကုိုင်ပြီး အတန်းထဲသို့ ဝင်လာခဲ့သည်။ နောက် .. “မင်္ဂလာပါကွယ် .. ဆရာမက .. ဒီနှစ်သားတို့ သမီးတို့  ရဲ့ အတန်းပုိုင် ..” မိတ်ဆက်ပေးပြီး ကလေးငယ်များ၏ မျက်နှာကိုကြည့်လိုက်တော့ အလင်းတန်းများဖြာထွက်နေသကဲ့သုို့ လင်းလက်ကာနေတော့သည်။ သူတို့ ဘဝလေးတွင် ဒီထက်မက လင်းလက်ဖို့  ကျွန်မရဲ့ တာဝန်သာဖြစ်သည်။ တစ်ချိန်က ကျွန်မရဲ့ဘဝလေးကို အလင်းရောင်ပေးခဲ့သော ကျွန်မတို့ မြို့ လေးရဲ့ မျှောင်လင့်ချက် အလင်းတန်းလေး ဆရာမကတော့ .. အခုချိန် .. တစ်နေရာကနေ ကျွန်မတို့ ကို ကြည့်ရှုနေမည်မှာ မလွဲဧကန်ပင်။ 

April

28.08.2011 (07:22 PM)