ဟောင်းပေမဲ့ မနွမ်းသွားသော အလွမ်းများ

လမ်းလေး၏ ဘေးနှစ်ဖက်လုံး ပန်းပေါင်းစုံ လှပစွာ ပွင့်လန်းနေကြသည်။ ဒီလမ်းကလေးရဲ့ အဆုံးမှာတော့ သစ်ပင်ကြီးများ စီတန်းစွာ ပေါက်နေပြီး ထိုသစ်ပင်ကြီးများ၏အောက်တွင် အညိုရောင် ခုံတန်းလေးများကို တွေ့ ရမည်ဖြစ်သည်။ ဤနေရာလေးသည် ချစ်သူစုံတွဲတို့ အတွက် သုခဘုံလေးတစ်ဘုံဖြစ်သလို အထီးကျန်သူတစ်ယောက်ထဲသမားများအတွက်လည်း အလွမ်းနယ်မြေလေးတစ်ခု အဖြစ်တည်ရှိသည်။ ချစ်သူပေါင်းများစွာ ဒီလမ်းလေးတွင် အတူတူ ယှဉ်တွဲကာ လျှောက်လှမ်းဘူးသည်။ တစ်ချို့ အတွက် ထာဝရဖြစ်သွားသလို တစ်ချို့ အတွက်တော့ ခဏတာဖြစ်ခဲ့သည်။ ကျွန်မအတွက်လည်း ဒီနေရာလေးသည် အမျိုးမျိုးသော ခံစားမှုများနှင့် အမှတ်တရများ ရှိသောနေရာလေးဖြစ်သည်။

တစ်ရက် .. တစ်ရက်နှင့် ကုန်ဆုံးသွားသည်မှာ မျက်စိတစ်မှိတ်အတွင်းတွင် ငါးနှစ်ဆိုသောကာလတစ်ခုကို ကျွန်မဖြတ်သန်းခဲ့ပြီဖြစ်သည်။ ဒီ ငါးနှစ်အတွင်း ကျွန်မဘာတွေလုပ်ခဲ့သလဲ .. ကျွန်မပျော်ရဲ့လား .. လမ်းကလေးကိုလျှောက်ရင်း အဖြေများကို စဉ်းစားခဲ့သည်။ လိုလေသေးမရှိအောင် ကျွန်မဘဝသည် ယခုအချိန်တွင် ပြည့်စုံနေပြီဖြစ်သည်။ သို့ သော် .. ခေါင်းလေးတစ်ချက်ရမ်းကာ ကျွန်မပြုံးလိုက်သည်။ ရုတ်တရက် နှာခေါင်းထဲ တိုးဝင်လာသော အနံ့  .. အနံ့ လာရာအတိုင်း ခေါင်းလေးကို လှည့်ကြည့်မိတော့

“အမရေ ဗယာကြော် ပူပူလေး .. အားလူးကြော် .. စမူဆာ .. ကျွတ်ကျွတ်ကြော် အကုန်ရတယ်” ကုလာလေးရဲ့ မပီကလာ ပီကလာ ဗမာစကားကြောင့် ကျွန်မရယ်လိုက်မိသည်။ ထို့ နောက်

“စမူဆာ … ဘယ်လိုရောင်းလဲ” ကျွန်မ့ အမေးကို

“တစ်ရာဖိုး လေးခု အစ်မ”

“နှစ်ရာဖိုး  …  အချဉ်ရေပါ လောင်းပေးနော် .. များများလေး” ပြောလည်းပြောရင်း အိတ်ထဲမှ နှစ်ရာတန်တစ်ရွက်ကို ထုတ်လိုက်သည်။ နောက် ကုလားလေးလှမ်းပေးသော စမူဆာ အိတ်ကလေးကိုလှမ်းယူပြီး စမူဆာတစ်ခုကို ထုတ်ကာစားလိုက်သည်။ အတွေးများကတော့ ..

xxxxxxxxxxx                        xxxxxxxxxxxx                        xxxxxxxxxx

“စိုင်း .. စမူဆာ .. မြန်မြန်လှမ်းခေါ်လိုက် .. မြန်မြန် .. တော်ကြာ အဝေးကြီးရောက်သွားဦးမယ်” ကျွန်မရဲ့ ခပ်လောလောစကားကြောင့် သူချက်ချင်း လက်ခုပ်တီးကာ

“ဖျောင်း ဖျောင်း .. ဟေ့ .. ခဏ .. ခဏ .. ” ခေါ်သံကြားတော့ ရပ်သွားသော ကုလားလေးဆီသို့  ကျွန်မပြေးသွားလိုက်သည်။ အနောက်မှ လိုက်လာသော စိုင်းကတော့ မျက်နှာကြီးရှုံ့ ကာ

“တစ်ခါလောက် မစားလိုက်ရရင် ဘာဖြစ်မှာမို့ လို့ လဲ .. ဒီလောက် အဝေးကြီးရောက်နေတာကို လှမ်းခေါ်ခိုင်းသေးတယ်”

“နင်ကလည်း .. ငါက စမူဆာဆိုရင် အနံ့ ရတာနဲ့ ကို စားချင်တာချည်းကို .. အခုလို အသံပါကြားရတော့ နေကို မနေနိုင်တာ .. နှစ်ရာဖိုးဆီနော် .. ” စိုင်းကို တစ်လှည့်ပြောလိုက် ကုလားလေးကို ပြောလိုက်နှင့် ခေါင်းတရမ်းရမ်းနှင့် ကျွန်မကို စိုင်းက

“အဲလောက် စမူဆာကြိုက်ရင် .. နေ့ တိုင်း အလကားစားရအောင် ကုလားလေးပဲကြိုက်လိုက်ပါလား”

“ကြိုက်မှာ .. ကြိုက်မှာ .. ကုလားလေးသာ လက်ခံရင် ကြိုက်ပစ်လိုက်ဦးမှာ” ခပ်ရွဲ့ ရွဲ့  ကျွန်မလည်း ပြန်ပြောလိုက်သည်။ ကုလားလေးကတော့ ကျွန်မတို့ နှစ်ယောက်ကို ကြည့်ကာ

“အနော့်မှာ ဂျစ်သူရှိတယ်” ပြောတော့ စိုင်းရော ကျွန်မရော ကြောင်သွားသည်။ နောက်မှ စိုင်းက တခွီးခွီးရယ်ကာ

“တွေ့ လား .. ကုလားတောင် နင့်ကို မလိုချင်ဘူး”

“တော်ပြီ .. စမူဆာလည်းမစားဘူး .. နင့်ကိုလည်း မခေါ်ဘူး” ဆိုပြီး ဆောင့်အောင့်ကာ ကျွန်မထွက်လာခဲ့တော့သည်။ အဲဒီနေ့ က စိုင်းဘယ်လောက်ချော့ချော့ ကျွန်မစိတ်ဆိုးမပြေခဲ့ချေ။ နောက်နေ့  စိုင်းတစ်ယောက် ဘယ်ကတွေ့ လာသည်မသိ ဗယာကြော်ကုလားလေးတစ်ယောက်ခေါ်ကာ ကျွန်မဆီရောက်လာသည်။ အစကတော့ စိုင်းကျွန်မကိုချော့ဖို့  တစ်ခုခုစီစဉ်လာတယ်ပေါ့ဆိုပြီး စိတ်ထဲတွင် ကျိတ်ကာ အမှတ်တွေဇွတ်ပေးနေမိသည်။ သို့ သော် သူပြောလိုက်သည့်စကားကြောင့် အိတ်ထဲတွင်ထည့်လာသော ထီးဖြင့် လိုက်ရိုက်မိတော့သည်။ သူ ပြောလိုက်သည်မှာ .. “ဒီကုလားလေးမှာ .. ရည်းစားမရှိဘူးတဲ့”

xxxxxxxxxxxxxxx                        xxxxxxxxxxxxxxxx                                    xxxxxxxxxxxxxx

ခေါင်းလေးငုံကာ အသာရယ်လိုက်ပြီး လမ်းကလေးအတိုင်းဆက်လျှောက်လာမိသည်။ “စိုင်း ..” သူရဲ့ နာမည်ကို ကျွန်မတိုးတိုးလေး ညဉ်းလိုက်သည်။ စိုင်းသည် ကျွန်မထက် သုံးလသာကြီးသူဖြစ်သည်။ ထို့ ကြောင့် ကျွန်မတို့ နှစ်ယောက်သည် တစ်ခြားစုံတွဲများလို “မောင်” “ကို” ဆိုတဲ့စကားလုံးများအစား “နင်” “ငါ” နှင့် နာမည်များသာတပ်ပြောကြတာများသည်။ တွေ့ လိုက်ရင် အမြဲတမ်း တပူးပူးနှင့် ပြီးတော့ တကျက်ကျက် ရန်ဖြစ်တတ်သော ကျွန်မတို့ နှစ်ယောက်ကို သူငယ်ချင်းများက လက်ခါကြသည်။ ရန်ဖြစ်လိုက် ပြန်ချစ်လိုက် နှင့်လုံးကာပတ်နေသော ကျွန်မတို့ အတွက် နေ့ ရက်တိုင်းသည် လှပနေခဲ့သည်။

ဘယ်လောက် လှပတဲ့ အရာတွေဖြစ်ပါစေ တစ်နေ့ မှာ အဆုံးသတ်ရမည်မှာတော့ မလွဲဧကန်ပင်။ ကျွန်မ နှင့် စိုင်းတို့  နှစ်ယောက်အတွက် အဆုံးသတ်ကို သယ်ဆောင်လာသူမှာ တစ်ခြားသူမဟုတ် ကျွန်မ ကိုယ်တိုင်ပင်ဖြစ်သည်။ “မိဘ” နှင့် “ချစ်သူ” ခေါင်းစဉ်နှစ်ခုအောက် တစ်ခုသာ ရွေးချယ်ခွင့်ရှိသည့် ကျွန်မအတွက် နောက်ဆုံးတွင် “မေမေတို့  သဘောအတိုင်းပါ” ဆိုပြီး သမီးအလိမ္မာနေရာကို ရွေးချယ်ခဲ့သည်။ ထို နေ့ က ကျွန်မလက်ကို တင်းကျပ်စွာဆုပ်ကိုင်ကာ တုန်ယင်စွာဖြင့် “မသွားပါနဲ့ ” ပြောသော စိုင်း၏ အသံကို အခုချိန်ထိ ကျွန်မ မမေ့။  စိုင်း ဘယ်လောက်တားတား ဘယ်လောက်တောင်းပန် ကျောခိုင်းကာထွက်လာခဲ့သော ကျွန်မကို ပတ်ဝန်းကျင်က ငွေမက်တဲ့ မိန်းမ .. သစ္စာမရှိသူအဖြစ် သတ်မှတ်ခဲ့ကြသည်။ သျှောင်နောက် ဆံထုံးပါ ဆိုသကဲ့သို့  လက်ထပ်ပြီးနောက် ခင်ပွန်းသည်နှင့်အတူ နိုင်ငံခြားသို့  လိုက်ပါသွားခဲ့သည့် ငါးနှစ်တာအတွင်း  ဒီနေရာလေးကို ယခု ပထမဦးဆုံးအကြိမ် ပြန်လည်ရောက်ရှိခဲ့ခြင်းဖြစ်သည်။ ဒီနေရာလေးကတော့ ဘာမှ မပြောင်းလဲ ကျွန်မတို့ အတူတူ ထိုင်ခဲ့သည့် ခုံကလေးကလည်း အရင်တိုင်း သစ်ပင်ကြီးကလည်း အရိပ်ကောင်းစွာ အုံ့ မှိုင်းထားဆဲ သစ်ပင်ကြီး၏ တစ်နေရာတွင် “စိုင်း+နှင်း” ဟုထွင်းခြစ်ထားသော စကားလုံးအတွဲလေးကိုတော့ ရှာလို့ မတွေ့ တော့ပြီဖြစ်သည်။

တစ်ချိန်က ဒီခုံတန်းကလေးတွင် သူက သူကြိုက်သော အားကစားသမားများ ဘောလုံးအသင်းများအကြောင်း … ကျွန်မက ကျွန်မကြိုက်သည့် ကိုရီးယား မင်းသား မင်းသမီးများအကြောင်း အပြန်အလှန်ပြောခဲ့ဘူးသည်။ တစ်ယောက်ကို တစ်ယောက်မှီကာ အာလူးကြော် .. အချဉ်ထုတ်လည်း လုစားခဲ့ကြဘူးသည်။ တစ်ခါတစ်လေ စာအုပ်တစ်အုပ် နှစ်ယောက်အတူတူဖတ်ပြီး “နောက်တစ်ရွက်မလှန်နဲ့ ဦး .. မပြီးသေးဘူး” ဆိုပြီး အတင်းလုလို့  အတူတူတွဲဖတ်ဘူးသည့် စာအုပ်တိုင်းတွင် စာမျက်နှာ အပြဲလေးများ ရှိစမြဲဖြစ်သည်။ ဝင်လုဆဲဆဲ ဖြစ်နေသော နေမင်းကြီးကို ကြည့်ရင်း

xxxxxxxxxxxxxxxxxx                        xxxxxxxxxxxxxxxxx                        xxxxxxxxxxxxxxxxx

ထိုနေ့ က ထုံးစံအတိုင်း ကျွန်မတို့ နှစ်ယောက် အတူတူ ခုံတန်းလေးဆီသို့  ဦးတည်လာခဲ့ကြသည်။ သို့ သော် ခုံတန်းလေးဆီ မရောက်ခင်

“အာ .. တကယ်ပါပဲ .. ” ပြတ်သွားသော ဖိနပ်လေးကိုကြည့်ပြီး .. ကျွန်မတစ်ချက်ညဉ်းလိုက်သည်။ စိုင်းက အလိုက်သိစွာပင် သူ့ ဖိနပ်ချွတ်ပေးကာ ..

“ရော့ … ငါ့ဖိနပ်အရင်စီးထား .. ”

“ငါ နင့်ဖိနပ်စီးတော့ .. နင်က ဘာစီးမှာလဲ”

“ငါက ကိစ္စမရှိဘူး .. နင်အရင်ဖိနပ်စီးပြီ .. ခုံပေါ်မှာ စောင့်နေ .. ပြန်လာခဲ့မယ်” ဆိုပြီးအပြေးထွက်သွားသော စိုင်းရဲ့နောက်ကြောကိုကြည့်ပြီး ကျွန်မကျန်ခဲ့သည်။ နောက် ပြတ်သွားသော ဖိနပ်လေးကို ကောက်ကိုင်ကာ ခုံတန်းလေးဆီသို့ လျှောက်လာခဲ့သည်။ တမျှော်မျှော်နှင့် သိပ်မကြာလိုက် အထုတ်နှစ်ထုတ်ကိုင်ကာ ခြေဗလာဖြင့် စိုင်း ပြန်ရောက်လာသည်။ ထို့ နောက်

“ဟူး .. မောလိုက်တာ”

“အဲဒါ .. ဘာတွေလဲ” ကျွန်မ တအံ့တသြမေးတော့ သူ ကျွန်မကို ပြုံးကာ

“ရော့ .. ” ဆိုပြီး အထုတ်များလှမ်းပေးတော့ စိတ်ထဲတွင် သိပ်မယုံရဲ ဘာတွေပေါက်ကရလုပ်လာပြန်ပြီလဲဆိုပြီးတော့ သူ့ မျက်နှာကို အလွတ်မပေးဘဲ ကြည့်နေမိသည်။ သူကလည်း သဘောပေါက်သည့်အလား

“စိတ်ချ .. ငါ ဘာပေါက်ကရမှ မလုပ်လာဘူး .. ” ဆိုတော့ ကျွန်မလည်း အထုတ်တစ်ထုတ်ကိုဖြေကြည့်လိုက်သည်။ ဖိနပ်တွေ .. တစ်ရံထဲမဟုတ် .. ငါးရံလောက်ရှိမည်။ နောက်တစ်အိတ်ဖွင့်ကြည့်တော့လည်း ပထမအိတ်အတိုင်း ဖိနပ်တွေ။ ကျွန်မသူ့ ကို တစ်ချက်လှမ်းကြည့်လိုက်ပြီး

“ဒီ .. ဖိနပ်တွေက …. ”

“နင့်အတွက်လေ .. ”

“အမ် .. ဒီလောက်အများကြီး .. ” ကျွန်မနားမလည်စွာဖြင့် သူ့ ကို မေးလိုက်သည်။

“နင်နဲ့ ပတ်သတ်တာမှန်သမျှ အကုန်သိတယ်လို့ ငါထင်ခဲ့တာ .. အမှန်မှာတော့ ငါမသိသေးတဲ့ အကြောင်းအရာတွေအများကြီးရှိသေးတယ် .. နင်ဖိနပ်ပြတ်သွားတော့ ငါ့စိတ်ထဲမှာ နင့်အတွက် ဖိနပ်တစ်ရံ အမြန် ပြေးဝယ်ပေးဖို့ ပဲ ရှိခဲ့တာ .. တကယ်တမ်း ဆိုင်ကိုရောက်တော့ နင်ဘယ်လိုဖိနပ်မျိုးကြိုက်လဲ .. နင့်ရဲ့အတိုင်းအတာ ဘယ်လောက်လဲဆိုတာ ငါတစ်ခုမှမသိဘူး .. ” သူဆံပင်များကို အသာဖွ၍ ပြုံးကာ

“စော်ရီး .. နောက်တစ်ခါဆို ဒါမျိုးမဖြစ်စေရဘူး” ပြောတော့ ကျွန်မပြုံးလိုက်သည်။ နောက်သူဝယ်လာသည့် ဖိနပ်များ တစ်ရံပြီးတစ်ရံ ထုတ်ကာ ကျွန်မစမ်းဝတ်ကြည့်သည်။ တစ်ရံမှမတော် .. နောက်ဆုံးတစ်ရံ .. နီညိုရောင် ကတ္တီပါဖိနပ်လေးကိုကြည့်ပြီး ဘာမဆိုင်ညာမဆိုင် စင်ဒရဲလားအကြောင်းတွေးမိသည်။ စင်ဒရဲလားရော မင်းသားလေးပေးတဲ့ ဖိနပ်လေးစီးချိန်မှာ ကျွန်မလိုပဲ ရင်တွေ အဆက်မပြတ်ခုန်နေမလား .. ဒါပေမဲ့ စင်ဒရဲလားက သူ့ ဖိနပ်လေးကို သူပြန်စီးရတာ .. ကျွန်မကတော့ ကျွန်မဖိနပ်ဖြစ်လာမလားဆိုပြီး စမ်းစီးကြည့်ရတဲ့ ဖိနပ်လေးကို ကြည့်ပြီး တိတ်တိတ်လေး ဆုတောင်းမိသည် … “ကျေးဇူးပြုပြီး ..  ဒီဖိနပ်လေးရဲ့ ပိုင်ရှင်ဖြစ်ရပါစေ”။

“အို .. ခစ် ခစ်” ကျွန်မရယ်လိုက်သည်။ ဖိနပ်လေးသည် ကျွန်မခြေထောက်နှင့်ကွက်တိဖြစ်သည်။ ကျွန်မပြုံးကာ သူ့ ကိုလှမ်းကြည့်ပြီး

“ကျေးဇူး .. အရမ်းလှတယ်” ပြောတော့ သူကျွန်မခေါင်းကို ခပ်ဖွဖွလေးခေါက်ကာ

“အရူးမလေး .. လူကိုလာ နှစ်သိမ့်မနေနဲ့” ကျွန်မလျှာထုတ်ပြတော့ .. သူက ကျွန်မကို အထုခံရမယ်ဆိုပြီး လက်သီးလေးထောင်ပြသည်။ ထို့ နောက် ကျွန်မတို့ နှစ်ယောက် ပျော်ရွှင်စွာအတူတူ ရယ်မောလိုက်ကြတော့သည်။ ထိုနေ့ က နေမင်းကြီးသည် အပျိုလေးရှက်သွေးဖြာသကဲ့သို့  ခေါင်းငုံ့ ကာ ကောင်းကင်တစ်ခုလုံး လှပစွာနီရဲနေတော့သည်။

xxxxxxxxxx                        xxxxxxxxxxxxxx                        xxxxxxxxxxxxxx

“စာကလေးဗေဒင် .. စာကလေးဗေဒင်” ကလေးငယ်၏ ကျယ်လောင်သောအော်သံကြောင့် ကျွန်မအတွေးများရပ်လိုက်သည်။ ထို့ နောက် ခုံတန်းလေးပေါ်မှထကာ ကလေးငယ်ရှိရာဆီသို့ ကျွန်မသွားခဲ့သည်။

“တစ်ခါမေး ဘယ်လောက်လဲ .. အငယ်လေး ”

“၅၀၀ ပါ အမ” ကျွန်မ ပိုက်ဆံထုတ်ပေးလိုက်သည်။ ကလေးငယ်က လှောင်အိမ်ထဲမှ ငှက်ကလေးကို အစာအနည်းငယ်ကျွှေးကာ လက်ကလေးပေါ်တင်လိုက်သည်။ ငှက်ငယ်လေးကလည်း သူ၏တာဝန်ကိုကျေပွန်စွာ ထမ်းဆောင်သည်။ သူ၏နှုတ်သီးသေးသေးလေးဖြင့် စာရွက်ခေါက်ကလေးကို ဇတ် ခနဲ ဆွဲယူလိုက်ပြီး လှောင်အိမ်ထဲသို့ အလိုက်သိစွာပြန်ဝင်သွားသည်။ ထွက်လာသော စာရွက်ကလေးကို ကလေးငယ်လေးက ကျွန်မလက်ဖဝါးပေါ်သို့  တင်ပေးပြီး ကျွန်မရှေ့ မှ တဖြည်းဖြည်း ထွက်ခွာသွားသည်။ အသံစာစာလေးကို တစ်ချက်တစ်ချက်ကြားလိုက်ရပေမဲ့ .. လူကိုတော့ မတွေ့  ရတော့ချေ။ ကလေးငယ်ပေးခဲ့သော စာရွက်ခေါက်လေးကို ကြည့်ရင်း ..

xxxxxxxxxxxxxx                        xxxxxxxxxxxxxxx                        xxxxxxxxxxxx

“လာပါဟာ .. နင်ကလည်း ငါမေးချင်လို့ ပါ”

“ရှုပ်ရှုပ်ယှက်ယှက်ဟာ .. ငါတော့မယုံဘူး .. ”

“နင်မယုံလည်းနေပေါ့ .. ငါယုံတယ် .. သွားမေးရအောင် နော် .. နော် ” တဂျီဂျီနှင့် ကျွန်မပူဆာနေမိသည်။ ကျွန်မကဗေဒင်ဆို သေလောက်အောင် ယုံကြည်သူဖြစ်သည်။ သို့ သော် စိုင်း ကတော့ ယောကျာ်းလေးမို့ လို့ လား မသိ .. လုံးဝအယုံအကြည်မရှိပေ။

“ဘာမှန်းလဲမသိဘူး .. ဒါလေးမေးချင်တာကို .. ဘယ်လောက်မှ ပင်ပန်းတာလဲမဟုတ်ဘဲနဲ့  .. စာကလေးက စာရွက်ယူပေးတာ .. သူယူရတာလည်း မဟုတ်ဘဲနဲ့  .. မေးချင်ပါတယ်ဆိုမှ .. ပေးမမေးဘူး .. စောစောကသိရင် တစ်ယောက်ထဲ ကိုယ့်ဘာသာကိုယ်သွားမေးပါတယ် .. သူ့ ကိုခေါ်ဘူး .. အခုတော့လိုက်ပေးမလားဆိုပြီး ခေါ်ကြည့်တာ .. မလိုက်ပေးတဲ့အပြင် ပေးလည်းမမေးဘူးတဲ့.. မေးချင်တယ် .. မေးချင်တယ် .. မေးချင်တယ် .. သူဟောရမှလည်းမဟုတ်ဘဲနဲ့  .. စာကလေးဟောမှာကို .. မေးချင်တယ် .. မေးချင်တယ် .. မေးချင်တယ် .. ” တအီအီနှင့် ပြောနေသော ကျွန်မကို နောက်ဆုံးတွင် သူခေါင်းခါကာ

“အမိရယ် .. တော်ပါတော့ .. မေးချင်ရင်လည်း သွားမေးတော့ .. ကျွန်တော်မျိုးလိုက်ခဲ့ရင်ပြီးရောမဟုတ်လား”

“အဟီး … ” ကျွန်မပျော်မြူးစွာ ရယ်လိုက်သည်။ ထို့ နောက် ကျွန်မတို့ နှစ်ယောက် ဗေဒင်မေးရန် ထွက်လာခဲ့ကြသည်။ မေးလို့ ရလာသော စာရွက်ခေါက်ကလေးကို ကျွန်မလက်ကလေးနှင့် အသာအုပ်၍ ဖုံးကာဖတ်လိုက်သည်။ ဖတ်ပြီးပြီးချင်း တည်သွားသော ကျွန်မ့ မျက်နှာအမူအရာကြောင့် သူစာရွက်ကလေးကို လှမ်းယူလိုက်သည်။

“သင်ချစ်သောသူနှင့် လမ်းခွဲရကိန်းရှိသည်” သူဖတ်ပြီး မျက်မှောင်တစ်ချက်ကြုံ့ လိုက်သည်။ ထို့ နောက် စာရွက်လေးကို လုံးချေကာ အမှိုက်ပုံးထဲသို့ ထည့်လိုက်သည်။ အတန်ကြာသည်အထိ ကျွန်မတို့ နှစ်ယောက်လုံး စကားမပြောကြ။ နောက်တော့ ကျွန်မသူရဲ့လက်မောင်းကို မှီ၍

“တော်ပြီဟာ … ဒီနေ့ ကစပြီး .. ငါဗေဒင်မယုံတော့ဘူး” ပြုံးကာ ကျွန်မပြောတော့ သူကျွန်မခေါင်းကို ဖွဖွလေး ခေါက်ကာ

“အရူးမလေး .. နင်ကတော့လေ .. ”

xxxxxxxxxxxx                        xxxxxxxxxxxxxxxx                        xxxxxxxxxxxxxxxxxxxx

ရုတ်တရက် တိုက်ခတ်လာသော လေပြည်လေးကြောင့် လက်ဖဝါးပေါ်တွင် တင်ထားသော စာရွက်ကလေး လွှင့်ထွက်သွားသည်။ ခပ်ဝေးဝေးသို့  ကျသွားသော စာရွက်ကလေးကို လှမ်းကြည့်ရင်း

“တကယ်ပါပဲ .. ဗေဒင်မယုံဘူး .. ဆိုတာမေ့နေတယ်” လက်ချောင်းကလေးများဖြင့် ခေါင်းကိုအသာလေးပုတ်ကာ ကျွန်မရယ်လိုက်သည်။ ထို့ နောက် ခေါင်းလေးစိုက်ချကာ လာရာလမ်းကြောင်းလေးအတိုင်း ခြေလှမ်းများ ဦးတည်လိုက်သည်။

----------------------------------------------------------------------------------------------------------------

မြင်ကွင်းက သူမလုံးဝပျောက်ကွယ်သွားပြီဆိုတော့မှ အကွယ်တစ်နေရာကနေ သူထွက်လာခဲ့သည်။ သူမ မကောက်ဘဲထားခဲ့သည့် စာရွက်ကလေးကို အသာအယာကောက်၍ သူဖတ်လိုက်သည်။ ထို့ နောက် စာရွက်ကလေးကို သူ၏ဘယ်ဘက်ရင်အုံ ပေါ်သို့ ကပ်ကာ သူမရှိရာ အရပ်သို့  မှန်း၍ “အရူးမလေး .. ” တိုးညဉ်းစွာ သူခေါ်လိုက်တော့သည်။

April

07.08.2011 (07:05 PM)