နောက်ဆုံး



“မွေးနေ့ မှာ ပျော်ရွှင်ပါစေ ” နှုတ်ခမ်းများလှုပ်ရုံမျှ သူမတိုးညင်းစွာဆိုပြီး ခပ်လှမ်းလှမ်းတစ်နေရာတွင် လူငယ်တစ်စု ပျော်ရွှင်စွာ မွေးနေ့ ပွဲကျင်းပနေသည်ကိုကြည့်ပြီး သူမညင်သာစွာပြုံးလိုက်သည်။

xxxxxxxxxxxxxxx                     xxxxxxxxxxxxxx                  xxxxxxxxxxxx

အကယ်လို့ သင်သည် ဘယ်နေ့ သေမည်ဆိုတာ သိနေခဲ့မည်ဆိုလျှင် .. အခုလိုမျိုး သင်ရယ်မောနေနိုင်ဦးမည်လား .. ငိုနေတာတွေရပ်သွားမလား .. သင့်ဘဝတွင် သင်လုပ်ချင်သော အရာများ သင်လုပ်ခဲ့ပြီးပြီလား .. သင်ရဲ့နောက်ဆုံးအချိန်တွင်းမှာ ….. ……. ….. ……

သူမထိုးနေသော သိုးမွေးအပ်ကလေးဘေးချကာ ပြတင်းပေါက်ကိုလှမ်းကြည့်လိုက်သည်။ မထူမပါး တိမ်တိုက်များက ကောင်းကင်တစ်ခုလုံး နေရာယူထားသောကြောင့် ရာသီဥတုသည် နေအပူကြီးမဟုတ် အုံ့ အုံ့ မှိုင်းမှိုင်းလည်းမဟုတ် နေလို့ ကောင်းရုံလောက်သာဖြစ်သည်။ မကြာခင်ရက်အတွင်း သူမဆေးရုံက ဆင်းရတော့မည်ဖြစ်သည်။ ဆရာဝန်ကြီးများရဲ့ သုံးလပဲ ဆိုသည့်စကားက သူမနားထဲမှမထွက်ချေ။ ဆရာဝန်များက ဆေးရုံကဆင်းခွင့်မပေးပေမဲ့ .. သူမ ကျန်ရှိသည့်အချိန်ကလေးအနည်းငယ်အတွင်းမှာ ခုတင်ပေါ်တွင်မကုန်ဆုံးချင်။ သူမလုပ်စရာတွေ အများကြီးရှိသေးသည် .. အားတင်းရင်း သူမပြုံးရန်ကြိုးစားပေမဲ့ .. အပြုံးများက ခြောက်ကပ်ကပ်နိုင်လွန်းလှသည်။

အိမ်ထဲကိုသူမ ဝင်လိုက်သည်နှင့် ဆီးကာကြိုနေသည်မှာ ခပ်သင်းသင်းဖုန်မှုန့် များသာဖြစ်သည်။ သူမဆေးရုံတက်ခဲ့ရသည့် ခြောက်လဆိုသည့်အတိုင်းအတာတစ်ခုတွင် တစ်အိမ်လုံးဖုန်များဖြင့်ပြည့်နှက်ကာ ပိုးအိမ်များပင် ဟိုနားတစ်အိမ် .. ဒီနားတစ်အိမ်နေရာယူထားကြသည်။ တံခါးနောက်တွင်ထားထားသော တံမြက်စည်းကိုလှမ်းယူပြီး သူမ သန့် ရှင်းရေးလုပ်ဖို့ စတင်လိုက်သည်။ တစ်အိမ်လုံး သူမစိတ်တိုင်းကျ လှဲကျင်းပြီးသည့်အချိန်တွင်တော့ သူမခြေကုန်လက်ပန်းကျသွားသည်။ ဆိုဖာပေါ်တွင် အသာလှဲလျောင်းရင်း .. နံရံတွင် ချိတ်ထားသော ဓာတ်ပုံကို သူမ မျက်တောင်မခတ်ဘဲကြည့်နေမိသည်။ နောက် မတ်တပ်ရပ်ကာ ခုံပေါ်တွင် တင်ထားသော သော့လေးကိုကိုင်ပြီး အပြင်သို့ သူမထွက်လာခဲ့သည်။

ဆင်ခြေဖုန်းရပ်ကွက်လေးတစ်ခု၏ လမ်းမထိပ်တွင် သူမ အသာရပ်ကာ ထိုအိမ်လေးသို့ ကြည့်နေသည်။

“သားရေ .. ထမင်းစားချိန်ရောက်ပြီ .. နောက်နေ့ မှဆော့တော့ ” ဆိုပြီး အသက် ၄၀ ကျော်အဒေါ်ကြီးတစ်ယောက် ၁၀ နှစ်အရွယ်ကလေးလေးကိုလှမ်းခေါ်နေသည်ကို သူမမြင်ရသည်။ ခေါင်းလေးငုံ့ ကာ သူမ မကျေနပ်သည့်ပုံမျိုးဖြင့် အသာရယ်လိုက်သည်။ ထို့ နောက် ပြန်ရန် ခြေလှမ်းများ အနောက်သို့ ပြန်လှည့်ချိန်တွင် သူမ့ကို တအံ့တသြစိုက်ကြည့်နေသော လူတစ်ယောက် ..

“သမီး .. သမီး .. မြတ်နိုး မဟုတ်လား .. ” သူမကိုမေးနေပေမဲ့လည်း ဂရုမစိုက်ဘဲ သူ့  ဘေးမှာထွက်လာခဲ့သည်။ နောက် လမ်းတွင် ရပ်ထားသော တက္ကစီပေါ်သို့ တက်ကာ

“မော်တင်” သူမပြောပြီး တလှိမ့်လှိမ့်ထွက်ခွာသွားသော ကားနောက်သို့ အပြေးလိုက်လာသော အသက် ၄၀ကျော် အစောတုန်းက သူမကြည့်နေခဲ့သော အဒေါ်ကြီးကို သူမ မြင်ဖြစ်အောင်မြင်လိုက်သည်။ နှုတ်ခမ်းများကိုတင်းတင်းစေ့ကာ သူမမျက်လုံးများမှိတ်ချလိုက်သည်။

“ဖေဖေ .. မေမေ .. ” သူမ တစ်ယောက်ချင်းစီကို တစ်လှည့်စီခေါ်နေပေမဲ့ .. မည်သူမှ စကားပြန်ပြောချင်းမရှိ။ ပါးပေါ်သို့  ကျလာသောမျက်ရည်များကို သုတ်ရင်း ဖေဖေ့လက်ကို သူမ ကိုင်ကာ ခေါင်းခါပြတော့ ဖေဖေသူမ ခေါင်းလေးကို သပ်ကာ အိမ်မှအိတ်များဆွဲကာ ထွက်သွားခဲ့သည်။ မေမေ့ကို သူမလှည့်ကြည့်တော့ သူမတစ်ခါမှ မမြင်ဘူးသော သူစိမ်းမျက်လုံးများဖြင့် ဖေဖေ့နောက်ကျောသို့ စူးစိုက်စွာ ကြည့်နေသည်။ နောက် သူမလက်ကိုဆွဲကာ ဘွားဘွားတို့ အိမ်ရှေ့ထိပို့ ပေးပြီး

“သမီး .. သမီး ဒီနေ့ ကစပြီး ဘွားဘွားတို့ နဲ့ အတူနေရမယ် .. ဘိုးဘိုး ဘွားဘွားစကားနားထောင်ရမယ်နော်” မေမေ့ဆီမှ သူမနောက်ဆုံးကြားခဲ့သောစကား … သူမခေါင်းခါကာ မေမေ့လက်များကိုဆွဲထားပေမဲ့ မေမေလက်များအတင်းဖြုတ်ကာ သူမရှေ့မှ တဖြည်းဖြည်းချင်းစီပျောက်ကွယ်သွားခဲ့သည်။ ထိုအချိန်က သူမ ဆယ်နှစ်သာသာ သာရှိသေးသည်။ မိဘနှစ်ပါး၏ စွန့် ပစ်မှုက သူမဆီတွင် ဘယ်တော့မှ မကျက်တော့မည် အနာတစ်ခုလိုရှိနေခဲ့တော့သည်။ ဘယ်အချိန်ပြန်တွေးတိုင်း သူမရင်ထဲတွင် အောင့်လို့ လာသည်။ အလုပ်ကိုအကြောင်းပြကာ နောက်ကွယ်တွင် အိမ်ထောင်ရေးဖောက်ပြားခဲ့သော ဖေဖေ့ကို သူမစိတ်နာသည်။ ဖေဖေတောင်းပန်သည့်ကြားက ကွာရှင်းခဲ့ပြီး သူမကို အဘိုးအဘွားအိမ်တွင် ပစ်ထားခဲ့သည့် မေမေ့ကို သူမပိုလို့ စိတ်နာမိသည်။

ကျောင်းတက်ချိန်တွင် မိဘကိုယ်စီနှင့်ကျောင်းလာအပ်သည့် သူမနှင့်ရွယ်တူကျောင်းသူကျောင်းသားများ မြင်တိုင်း သူမအမြဲခေါင်းငုံလို့ နေခဲ့သည်။ တစ်ဦးတည်းသော မြေးဖြစ်သည့်အတွက် ဘိုးဘိုး ဘွားဘွားက သူမ့ကို ချစ်သော်ငြားလည်း သူမ တစ်ခုခုလိုအပ်သလိုအမြဲခံစားခဲ့ရသည်။ သူမ ဆယ်တန်းနှစ်တွင် ဘိုးဘိုး လူကြီးရောဂါဖြင့်ကွယ်လွန်သွားပြီး ဘွားဘွားတစ်ယောက်သာ သူမအတွက် တွယ်တာရာဖြစ်ကျန်ခဲ့သည်။ သို့ သော် ဘွားဘွားမှာလည်း သူမနှင့် ကြာကြာမနေလိုက်ရ သူမဘွဲ့ ရသည့်နှစ်မှာတင် ကွယ်လွန်ခဲ့သည်။ သူမ အားကိုးရာ ဘိုးဘိုး ဘွားဘွားမရှိတော့သည့်နောက်ပိုင်း သူမ တစ်ယောက်ထဲ ဘဝကိုရုန်းကန်ဖြတ်သန်းခဲ့သည်။ ငယ်ငယ်လေးကတည်းက အပေါင်းအသင်းသိပ်မထားတတ်သော သူမ့အတွက် တိုးတိုးဖော်ဖော်သူငယ်ချင်းဆိုသည်မှာလည်းမရှိ။ ချစ်ခင်ကြင်နာရမည့် ချစ်သူဆိုပိုတောင်ဝေးသေးပင်။ ဘွဲ့ ရပြီးကတည်းက နိုင်ငံခြားကုမ္ဗဏီတစ်ခုတွင် အလုပ်ဝင်လုပ်ပြီးသူမနေ့ စဉ်ဘဝကိုဖြတ်သန်းခဲ့သည်။ အလုပ်မှလွဲ၍ကျန်တာစိတ်ဝင်စားမှုမရှိသော သူမ၏ လုပ်ရည်ကိုင်ရည်နှင့် လုပ်နိုင်ပုံများကို ကုမ္ဗဏီမှလည်း သဘောကျခဲ့သည်။ သူများတွေ နှစ်နှင့်ချီလုပ်မှရသော မန်နေဂျာရာထူးကို သူမက တစ်နှစ်အတွင်းမှာပင် ပိုင်ဆိုင်လာခဲ့သည်။ သို့ သော် အလုပ်ကလွဲလို့ ကျန်တာ မသိသောသူမဘဝသို့ 

“အား .. ” ဗိုက်ကိုနှိပ်ရင်း သူမအသာညဉ်းလိုက်သည်။ အခုတစ်လောသူမ ဗိုက်ဆိုးဆိုးရွားရွားအောင့်လာသည်။ မကြာခဏဗိုက်အောင့်တတ်လို့  အိတ်ထဲတွင် ရက်ဆား အစာကျေဆေး စုံအောင်သူမဆောင်ထားလေ့ရှိသည်။ သို့ သော် အရင်ကလို ဘာဆေးသောက်သောက်မသက်သာသောကြောင့် အစားအသောက်မမှန်လို့ များလားဆိုပြီး သတိထားကာ ပုံမှန်စားသောက်နေပေမဲ့လည်း ဗိုက်အောင့်မှုကသက်သာသွားသည်မရှိ .. တစ်စတစ်စပိုလို့ ဆိုးလာသည်။ တစ်ရက် အနည်းဆုံး သုံးလေးခါလောက် ခပ်ပြင်းပြင်းခပ်နာနာအောင့်သည်။ ထိုသို့ အချိန်များတွင် သူမဆိုးရွားစွာခံရသည်။ မကြာခဏလည်း ခေါင်းတွေမူးပြီး အန်သည့်အခါ သွေးပါလာသည့်အချိန်တွင် သူမ ဆေးခန်းသို့ သွားပြခဲ့သည်။ ဆေးခန်းကနေ ဆေးရုံကြီးသို့ သွားရန်ပြောပြီး ဆေးရုံကြီးရောက်သည့်အချိန်တွင် ဆရာဝန်က သူမထံတွင် အစာအိမ်ကင်ဆာ ရှိနေပြီဆိုတာကိုပြောတော့ သူမ ကမ္ဘာတစ်ခုလုံးရပ်တန့် သွားသည့်နှယ်ခံစားလိုက်ရသည်။ ထို့ နောက်ဆရာဝန်က အဆိုးဆုံးအခြေအနေမဟုတ်သေးပေမဲ့ .. နောက်ဆုံးအဆင့်မရောက်သေးလို့ ကုသလို့ ရဦးမည်ပြောပြီး .. ပထမအကြိမ်ခွဲစိတ်မှု သူမခံယူခဲ့သည်။ တစ်လလောက်သူမ ဆေးရုံတက်ခဲ့သည်။ အလုပ်ကခွင့်ကလည်း တစ်လပဲရသည်မို့  ဆေးရုံကဆင်းဆင်းချင်း သူမ အလုပ်ပြန်ဝင်ခဲ့သည်။ ဆရာဝန်က အခြေအနေကောင်းကြောင်းပြောပြီး သူမ ကို စားဆေးနှင့် ဆေးရုံသို့ ပုံမှန် လာရန်မှာကြားခဲ့သည်။ သို့ သော် ကံကြမ္မာက မျက်နှာသာမပေးခဲ့။ သူမဗိုက်များပြန်အောင့်လာကာ ဆေးရုံသို့ ပြန်သွားခဲ့ရသည်။ နောက်သိခဲ့ရသည်က သူမကင်ဆာဆဲလ်များပျံ့နှံ့ နှုန်း သာမန်ထက်မြန်လာခဲ့သည်။ နောက်ဆုံး သူမ အလုပ်မှထွက်ကာ ဆေးကုသဖို့ ခံယူခဲ့ပေမဲ့လည်း အခြေအနေမှာ တစ်နေ့ တစ်ခြားတိုးတက်မှုမရှိ ဆုတ်ယုတ်လာခဲ့သည်။ ဆေးရုံတက်ခဲ့သည့် ၆ လအတွင်း သူမနွေးထွေးမှု ကြင်နာမှုကို ပိုလို့  တမ်းတလာသည်။ လုပ်ဖော်ကိုင်ဖက်များမှာလည်း ဆေးရုံတက်ချိန် စစပိုင်းသာ သတင်းလာမေးပြီး နောက်ပိုင်းတွင် အစအနလေးတောင်မတွေ့ ရ။ တစ်ယောက်ထဲနေရသည်ကို သူမအသားကျနေပြီဖြစ်ပေမဲ့ သူမ၏ အတွင်းစိတ်တစ်နေရာကတော့ နွေးထွေးမှုလေးကိုတောင်းတခဲ့သည်။

“ညီမ” ကားဆရာ၏အသံကြောင့် သူမမျက်လုံးဖွင့်ကြည့်မိတော့ မော်တင်တောင်ရောက်နေပြီဖြစ်သည်။ ပိုက်ဆံရှင်းပေးပြီး ကားပေါ်မှာ သူမဆင်းလိုက်သည်။ ထို့ နောက် သူမထိုင်နေကျ စားသောက်ဆိုင်လေးတွင် ဝင်ထိုင်ကာ ထမင်းကြော်တစ်ပွဲမှာလိုက်သည်။ သူမ အခုထိုင်နေသည့် တစ်ဖက်ခြမ်း မျက်စောင်းထိုးတွင် သူမတွေ့ ချင်သူတစ်ယောက်ရှိသည်။ စားပွဲထိုးလေး လာချသော ထမင်းကြော်ကို သူမ တစ်ဇွန်းစားလိုက်ပီး နာရီလေးကြည့်လိုက်သည်။ ၆ နာရီကျော်ကျော် .. မကြာခင် သူပြန်လာတော့မည်။ ခဏအကြာ ကားအဖြူလေးတစ်စင်း သူမ ကြည့်နေသော အိမ်ရှေ့တွင် ရပ်သွားသည်။ ထုို့ နောက် ကားပေါ်မှာ အကျီ င်္လက်ရှည်အဖြူနဲ့  ပုဆိုးအပြာရင့်ရင့်ကိုတွဲဖက်ကာ ကျကျနန ဝတ်ထားသော အသက် ၄၀ကျော် လူကြီးတစ်ယောက်ထွက်လာသည်။ သူထွက်လာသည်နှင့်တပြိုင်နက် အိမ်တံခါးလေးပွင့်ကာ အသက် ၄၀ကျော် အန်တီကြီးတစ်ယောက် ထွက်လာပြီး သူ့ လက်ထဲတွင်ကိုင်ထားသောပစ္စည်းများလှမ်းယူကာ နှစ်ယောက်သား ပြုံးပျော်ကာ တစ်ယောက်ကိုတစ်ယောက်ဖက်ပြီး အိမ်လေးထဲဝင်သွားသည်။ သူမ သက်ပြင်းတစ်ချက်ခိုးကာချပြီး ထိုနေရာလေးမှထွက်လာခဲ့သည်။

တစ်ယောက်ထဲရှိရာ တိုက်ခန်းကျဉ်းကျဉ်းလေးထဲပြန်လာပြီး သူမ အိပ်ယာထဲ ခေါင်းစိုက်ကာ စိတ်လွတ်ကုိုယ်လွတ်ငိုမိသည်။ နောက်ရက်များတွင် သူမ တတ်ချင်သော သင်တန်းများ ပေါင်းစုံသူမလိုက်တတ်သည်။ ညနေပိုင်းများမှာတော့ ပုံမှန် သူတို့ နှစ်ယောက်ရှိရာသို့ သွားကာ ဝေးဝေးမှကြည့်တတ်သည်။ ဒီနေ့ တော့ထူးခြားစွာ သူမ .. လီလီပန်းလေးများဝယ်ကာ တစ်နေရာသို့ သွားခဲ့သည်။ ဘေးပတ်ဝန်းကျင်တွင်ရှုပ်နေသော အမှိုက်များကိုသူမရှင်းပြီး ဝယ်လာသော လီလီပန်းများကို အုတ်ဂူလေးပေါ်သို့ တင်လိုက်သည်။

“ဘိုးဘိုး .. ဘွားဘွား .. မြတ်နိုးလာတယ် .. မြတ်နိုးမရှိတော့ ဘိုးဘိုးနဲ့ ဘွားဘွားပျင်းနေပြီမဟုတ်လား .. သိပ်မကြာဘူး .. မြတ်နိုး ဘွားတို့ ဆီ လာခဲ့မယ် .. ဘွားဘွားချက်ကျွေးတဲ့ ပဲဟင်းချိုလေးကိုလွမ်းတယ် .. မြတ်နိုးပြန်မရောက်တိုင်း အိမ်ရှေ့ ကနေ ထွက်ထွက်စောင့်ပေးတဲ့ ဘိုးဘိုးကလည်း သတိရတယ် .. ဘိုးတို့ ဘွားတို့ လည်း မြတ်နိုးကို သတိရနေတယ်မဟုတ်လား .. မြတ်နိုး အခုအရမ်းကြောက်တယ် .. သူများတွေကပြောကြတယ် .. လောကကြီးက တရားတယ်တဲ့ .. အကောင်းနဲ့ အဆိုး အမြဲဒွန်တွဲနေတာတဲ့ .. ဒါပေမဲ့ မြတ်နိုးအတွက် မတရားဘူး .. ငယ်ငယ်လေးကတည်းက မြတ်နိုးဆီကနေ မေမေနဲ့ ဖေဖေ့ကို ခေါ်ထုတ်သွားတယ် .. နောက်ပြီး ဘိုးဘိုးနဲ့ ဘွားဘွား .. အခုလည်း မြတ်နိုးကို ဒီရောဂါဆိုးကြီးပေးတယ် .. မြတ်နိုးအရမ်းမုန်းတာပဲ .. ” တစ်ကိုယ်တည်း မျက်ရည်များစီးကျပြီး သူမ တိုးငြင်းစွာရေရွတ်နေသည်။ ညနေနေဝင်ခါနီး ပြန်ကာချိန်ှ အုတ်ဂူဘေးမှ သူမထကာ မျက်နှာကိုစမ်းကြည့်တော့ မျက်ရည်များခြောက်သွေ့ ကာ နေပြီဖြစ်သည်။

ပြက္ခဒိန်တွင် အမှားခြစ်ထားသောရက်များ များလို့ လာခဲ့သည်။ သူမ ကိုယ်ခန္ဓာအရင်ကထက်ပို၍ အားနည်းလာသည်ဟု သူမခံစားရသည်။ ဆိုးဆိုးရွားရွား ဗိုက်အောင့်လာတိုင်း ဆေးလုံးများကိုသူမ လိုတာထက်ပိုသောက်မိသည်။ တစ်ခါတစ်ခါ သတိလစ်သည်အထိ သူမနာကျင်မှုကိုခံစားလာရသည်။ သို့ သော် ဘယ်လိုနာကျင်မှုမျိုးဖြစ်ပါစေ နေ့ စဉ်ရက်ဆက် သူမ သူတို့ ရှိရာနေရာလေးကိုတော့ ပုံမှန်ရောက်သည်။ ခပ်ဝေးဝေးက အမြဲလှမ်းကြည့်သော သူမကို သူတို့  သတိထားမိရင်ကောင်းမှာပဲ တစ်ခါတစ်ခါ သူမတွေးတတ်သည်။ ဒီနေ့ တော့ သူမ အရင်နေ့ များနှင့်မတူ အလှများပြင်ဆင်ထားသည်။ ဖျော့တော့တော့ ဖြစ်နေသော သူမနှုတ်ခမ်းများကို နီရဲနေသော နှုတ်ခမ်းနီဖြင့် ဖုံးထားပြီး ချောင်ကာ ကျနေသော မျက်ကွင်းများကို concealer များဖြင့်ဖုံးကာ ကျွတ်ထွက်သွားသော ဆံပင်များနေရာတွင် သူမ ဆံပင်အတုကို တပ်ဆင်ထားပြီး ဦးထုပ်ကိုအပေါ်မှထပ်ကာဆောင်းထားသည်။ နောက် ခပ်ကြီးကြီး နေကာမျက်မှန်ကိုဝတ်ဆင်ပြီး အပေါ်အောက် အနက်ဝမ်းဆက်ဖြင့် သူမပုံမှာ gangster လိုလိုဘာလိုလိုနှင့် သူမကတော့ မှန်ထဲတွင် ကိုယ့်ပုံကိုယ်သေချာကြည့်ပြီး ကျေနပ်စွာ ပြုံးလိုက်သည်။

သူမကို ရပ်ကွက်ထဲမှ လူများကို ထူးဆန်းစွာ လိုက်ကြည့်ကြသည်။ မင်းသမီးလည်းမဟုတ် နေ့ ခင်းကြောင်တောင် နေကာမျက်မှန်ကြီးတပ်ထားပြီး လမ်းထဲတွင် လမ်းသလားမှတော့ လူများထွက်မကြည့်ဘဲမနေ။ နောက်ဆုံးသူမ အိမ်လေးတစ်အိမ်ရှေ့ တွင်ရပ်လိုက်ပြီး ခြံထဲတွင် ကစားနေသော ကလေးလေးကို တစ်ချက်ကြည့်ပြီး

“လူကြီးတွေရှိလား” ကလေးလေး ချက်ချင်းအိမ်ထဲပြေးဝင်သွားသည်။ နောက် အဒေါ်ကြီးတစ်ယောက်ထွက်လာသည်။ သူမကို အံ့သြစွာကြည့်ပြီး နောက် ပြေးလာကာ တံခါးဖွင့်ပေးသည်။ ပါးစပ်မှလည်း စကားလုံးများ အဆက်မပြတ်ထွက်လာသည်။

“သမီး … သမီး .. မေမေ့ကိုလာကြည့်တာလား .. မေမေဝမ်းသာလိုက်တာ .. အိမ်ထဲဝင်ဦး .. သားရေ မမလာတယ် .. လမ်းထိပ်က အအေးသွားယူချည် .. ” သူမ တိတ်ဆိတ်စွာ အိမ်ထဲသို့ ဝင်လိုက်သည်။ နောက် တစ်အိမ်လုံး သေချာလှည့်ကြည့်ပြီး ပြုံးလိုက်သည်။

“အခု  .. ပျော်လား” မေးရင်း မြတ်နိုး ပြုံးလိုက်သည်။ ပျက်သွားသော သူမမျက်နှာအမူအရာကိုမြတ်နိုး သေချာစွာလိုက်ကြည့်မိသည်။

“သမီး .. ပိန်သွားသလိုပဲ .. ဝိတ်လျှော့နေတာလား .. ” မေးတော့ မြတ်နိုး ပြန်မဖြေချေ။ နောက်အတန်ကြာအောင် ပြုံးပြလိုက် ရယ်ပြလိုက်နှင့် ပြောကာနေသော သူမကိုမြတ်နိုးကြည့်ပြီး ထိုင်နေရာမှ ထလိုက်သည်။

“သမီး .. ပြန်တော့မလို့ လား .. ညစာ တစ်ခါထဲစားသွားပါလား .. ” သူမအသံများတုန်ကာနေသည်။ သို့ သော် မြတ်နိုး မသိသလိုဟန်ဆောင်ကာ လှည့်မကြည့်ဘဲ ထွက်လာခဲ့သည်။ နောက်ကားငှားပြီး …. ကားပေါ်မှာ သူဆင်းလာမည့်အချိန်ကိုရွေးကာ တမင်သက်သက်  တက္ကစီပေါ်မှဆင်းလိုက်သည်။ မျက်လုံးချင်းအစုံ သူ့ ဘက်မှ မှင်သက်နေမိသည်။ သူမ တစ်လှမ်းချင်းစီ သူရှိရာသို့ လှမ်းလာပြီး ခြေဆုံးခေါင်းဆုံးကြည့်ကာ

“အခု .. ပျော်လား” သူမမေးတော့  .. သူ့ နှုတ်ခမ်းများ အနည်းငယ်ဟသွားပြီး ခေါင်းငုံသွားသည်။ သူမ အနိုင်ရသူ တစ်ဦးလို ပြုံးကာ သူ့ ဘေးနားမှ ထွက်သွားသည်။ နောက်ရက်များမှာလည်း သူမ နေ့ တိုင်း “အခု ပျော်လား” ဆိုသည့်စကားကို နေ့ တိုင်းမေးခဲ့သည်။ သို့ သော် သူတို့ ဆီမှ အဖြေကိုတော့ သူမ မရခဲ့။ သူမ ပြက္ခဒိန်လေးကိုင်ထားပြီး မျက်လုံးများမှိတ်လိုက်သည်။ တစ်နေ့ က သူမ အပြင်တွင် မေ့လဲပြီး ဆေးရုံရောက်သွားသည်။ ဆရာဝန်က သူမ့ကို ဆေးရုံမှာနေဖို့ ပြောသည်။ သို့ သော် သူမ အတင်းခေါင်းမာကာ ဆေးရုံမှ ဆင်းလာခဲ့သည်။ ဝိုင်းထားသော ပြက္ခဒိန်ပေါ်မှ ရက်စွဲလေးကို သူမကြည့်ပြီး အလှဆုံးပြင်ဆင်ကာ သူမထွက်လာခဲ့သည်။ နာရီလေးကိုလှမ်းကြည့်တော့ ငါးနာရီခွဲခါနီး .. မကြာခင် သူတို့ ရောက်တော့မည်။ စဉ်းစားလို့ မပြီးသေးခင်မှာပင် သူမရှေ့သို့  ရောက်လာသော ခြေဖဝါးတစ်စုံ သူမမော့ကြည့်မိတော့

“သမီး .. မေမေ့ကို ဒီမှာချိန်းတာ ဘာလုပ်မလို့ လဲ” မြတ်နိုးဘာမှမပြောဘဲ ခုံတစ်လုံး ဆွဲကာ ပေးလိုက်သည်။ သူမ ဝင်ထိုင်ပြီး စကားများပြောနေသည်။ စကားသံရပ်သွားတော့ မြတ်နိုးလှည့်ကြည့်တော့ သူလည်းရောက်လာပြီဖြစ်သည်။ သူတို့ နှစ်ယောက် တစ်ယောက်ကိုတစ်ယောက်ကြည့်ကာ နောက် ဟိုဘက်ဒီဘက် အကြည့်များလွှဲလိုက်သည်။ မြတ်နိုး စားပွဲထိုးလေးလှမ်းခေါ်ကာ မှာထားသော ဟင်းပွဲများ ချရန်ပြောလိုက်သည်။ သို့ သော် ဝိုင်းလေးကတော့ တိတ်ဆိတ်လျှက်။ ပြန်မည်လုပ်သော သူ့ ကို မြတ်နိုး တစ်ချက်ကြည့်ပြီး

“ပြန်ချင်ရင် … စားပြီးမှပြန် .. သုံးယောက်စာမှာထားတာ” ခပ်ပြတ်ပြတ်လေသံကြောင့် သူသွားမည်လုပ်နေသည့် ခြေလှမ်းများတန့် သွားကာ ပြန်ထိုင်ချလိုက်သည်။ နောက် မြတ်နိုးတို့ သုံးယောက် ထမင်းအတူတူစားကြသည်။ မြတ်နိုးအတွက်တော့ ဒီကနေ့  ထမင်းနှင့် ဟင်းသည် သူမစားနေကျရက်များထက် အရသာပိုရှိသည်။ စားပြီးသောက်ပြီး တိတ်ဆိတ်နေသော မြတ်နိုးတို့ ဝိုင်းလေးသို့  ဆူညံသံများ တစ်ဖက်ဝိုင်းမှရောက်လာသည်။ “မွေးနေ့ မှာ ပျော်ရွှင်ပါစေ ” နှုတ်ခမ်းများလှုပ်ရုံမျှ မြတ်နိုးတိုးညင်းစွာဆိုပြီး ခပ်လှမ်းလှမ်းတစ်နေရာတွင် လူငယ်တစ်စု ပျော်ရွှင်စွာ မွေးနေ့ ပွဲကျင်းပနေသည်ကိုကြည့်ပြီး သူမညင်သာစွာပြုံးလိုက်သည်။ နောက် အိမ်ပြန်ရန် မြတ်နိုးတို့ သုံးယောက်လမ်းခွဲပြီး အိမ်ပြန်ရောက်ချိန်တွင် မြတ်နိုး ဖုန်းနံပါတ်တစ်ခုကိုနိုပ်လိုက်သည်။ နောက် နောက်ထပ်ဖုန်းနံပါတ်နောက်တစ်ခုကိုထပ်နိုပ်သည်။ ထို့ နောက် မြတ်နိုး အိပ်ပျော်သွားသည်။

“သမီး .. သမီး ” စ်ိတ်ပူစွာ လှမ်းခေါ်နေသော မေမေနဲ့ ဖေဖေမျက်နှာက စိုးရိမ်မှုအပြည့်နှင့် ပြည့်နှက်နေသည်။ မြတ်နိုး မျက်ရည်များဝဲတတ်လာပြီး ပြုံးကာ လက်ကို အသာမလိုက်ပေမဲ့ လေးလံမှုကြောင့် လက်များမြှောက်တတ်လာခြင်းမရှိ။ နောက် ပါးစပ်ကလေးလှုပ်ရုံမျှသူမ စကားတွေပြောလိုက်သည်။ သို့ သော် အလွန် တိုးညှင်းသောကြောင့် ဖေဖေရော မေမေပါမကြားကြ။ သူမ အကြည်လင်ဆုံးပြုံးကာ မျက်လုံးများမှိတ်သွားသည်။ အော်သံ ခေါ်သံများလည်း တိုးတိုးလာသည်။ မြတ်နိုးမြင်လိုက်ရသည် သူမကို ပြုံးကာ စောင့်ကြိုနေသော ဘိုးဘိုးနှင့် ဘွားဘွား .. မြတ်နိုး သူတို့ ဆီအပြေးလေးလှမ်းသွားလိုက်တော့သည်။

xxxxxxxxxxxxxxx                     xxxxxxxxxxxxxx                  xxxxxxxxxxxx

“မေမေ .. ဒီမှာ စာတစ်စောင် ခေါင်းအုံးအောက်ကတွေ့ တယ်” သားငယ်လှမ်းကာလာပေးသော စာအိတ်လေးကို ကျွန်မကြည့်နေမိသည်။ နောက်ခပ်လှမ်းလှမ်းတွင်ရပ်နေသော ကျွန်မ၏ခင်ပွန်းဟောင်းနှင့် ကျွန်မ အကြည့်ချင်းဆုံသွားတော့ သူ ကျွန်မဘေးနားသို့ လာကာ ကျွန်မတို့ နှစ်ယောက် စာအိတ်ကလေးကို အတူတူဖောက်လိုက်ကြသည်။ နောက်ထွက်ကျလာသော ဓာတ်ပုံအဟောင်းလေးတစ်ပုံ လွန်ခဲ့သည့် ၁၄ နှစ်ကျော်ကတွဲရိုက်ထားသော မိသားစုဓာတ်ပုံလေး .. ဓာတ်ပုံလေး၏ နောက်တွင် စာလေးတစ်ကြောင်း ... “ဖေဖေ့ကိုချစ်တယ် … မေမေ့ကိုချစ်တယ်”  ... ။

April
10:04 PM (25.09.2011) Sun
                 

No comments:

Post a Comment

လာရောက်ဖတ်ရှုအားပေးမှုအတွက် ကျေးဇူးအထူးတင်ရှိပါသည်။ ဝေဖန်အကြံပြုချက်များကိုလည်း ပွင့်လင်းစွာပြောကြားသွားနိုင်ပါသည်ရှင်